workshop02_030212

Bargobáji 2-3.2.12 čoahkkáigeassu ja liŋkkat

Prográmma ja oasseváldit

Bargobáji prográmma // Prošeaktasiidu mas leat buot lágan dieđut

Oasseváldit

  • Helssega Universitehta: Irja Seurujärvi-Kari
  • Isak Saba guovddáš: Marianne Johnsen, Inger Kathrine Juuso
  • Gáisi giellaguovddáš: Katarzyna Dominczak, Máret Rávdná Elvevold
  • Ástávuona giellagoahtie: Lars Joar Halonen
  • Návuona suohkan: Máret Rávdná Bæhr
  • Romssa universitehta: Biret-Ánne Baal, Lene Antonsen, Trond Trosterud.

UiT oahppofálaldagat davvisámegielas

Jus lea čađahan Sámi allaskuvlla gurssaid, de sáhttá ohcat UiT daid dohkkehit. Váldde oktavuođa oahppokonsuleanttain Torunn Olseniin - 776 45649.

  • Bachelor: Davvisámegiella eatnigiellan. Kursaráidu álggahuvvo juohke nuppi jagi: 2012 giđa, 2014 giđa jnv
  • Master: Davvisámegiella eatnigiellan. Gáibida bachelora
  • Bachelor: Davvisámegiella vierisgiellan. Kursaráidu álggahuvvo juohke nuppi jagi: 2013 giđa, 2015 giđa jnv. Dasa lassin liigefálaldagat, omd dál fállojuvvo SAM-1033 neahta bokte ja čoahkkanemiiguin - eksámen dollojuvvo ovdal juovllaid. Ja maid giellaguovddážiid fálaldagat.
  • Master: Davvisámegiella vierisgiellan. Ii gávdno masterfálaldat, muhto sáhttá boahtit masterfálaldat mas lea sámegiella ja didaktihkka, oassin oahpaheaddjioahpus.

Eksámen, lohkanmearri ja bákkolaš bargobihtát

  • SAM-1031 lohkanmearri lea buot mii lea SAM-1031-oahppanbálgás ja dasa lassin eará teavsttat (omd oassi Ánin Dánin-girjjis). Lea vejolaš buhttet muhtun oahppanbálggis-teavsttaid eará teavsttaiguin. Dehálaš ahte buot eksámenfáttát oidnojit lohkanmearrelisttus maid oahpaheaddji sádde UiT: i ja addá studeanttaide maŋimustá guokte vahku ovdal eksámena.
  • Dieđut SAM-1031 eksámenis ja bákkolaš bargobihtáin
  • Studeanta, gean oahpaheaddji lea dohkkehan eksámenii (= dohkkehan su bákkolaš bihtáid), sáhttá váldit eksámena, vejolaččat čuovvovaš lohkanbajis jus ii leat geargan dohkkehuvvot UiT-studeantan dán lohkanbajis.
  • Eksámennjuolggadusat ja árvosánit

Veahkkeresurssat

Sátnegirjjit

Grammatihkka

site.uit.no/oahpa – OĐĐA ČUJUHUS:http://kursa.oahpa.no

http://kursa.oahpa.no lea dat báiki gosa oahppanbálgát leat biddjon. Doppe oahpaheaddjit sáhttet gávdnat dieđuid, jietnafiillaid, hárjehusaid ja daid čovdosiid.

Oahpaheddjiid siiddut

  • Oahpaheddjiid siidduide leat biddjon dieđut oahpaheaddjái, nugo eksámeniid ja bákkolaš bargguid birra. Dohko leat maid biddjon jietnafiillat, njálmmálaš hárjehusat, hárjehusaid čovdosat ja geavahanbagadus.
  • Oahpaheddjiid siidduide lea beassansátni, mii lea seamma buot geavaheddjiide. Dat juhkkojuvvo oahpaheddjiide, muhto ii galgga juhkkojuvvot studeanttaide.

Sisaloggen oahpaheaddjin

  • Go oahpaheaddji áigu divodit gursasiiddu dahje lasihit hárjehusaid, de galgá logget sisa. Dalle lea guhtege oahpaheaddjis sierra geavahannamma, ja sierra čiegussátni. Ii beasa divodit iige lasihit siidduid ovdalgo lea sisa loggen. Fuomáš fal ahte studeanttat eai galgga logget sisa oahppanbálgái.

Gursasiidu

  • Gursasiidui lea vuogas bidjat dieđuid studeanttaide, ovdamearkka dihte boahtte čoagganeami plána birra, rievdadusaid birra, bákkolaš hárjehusaid áigemeriid birra jna.
  • Gursasiidu doaibmá ollislaš teakstan, maid oahpaheaddji galgá doaimmahit. Dat mearkkaša ahte ođđaseamos rievdadusat bohtet siddus dakko gokko oahpaheaddji lea bidjan daid, eai fal bajimussii. Veadjá leat vuohkkaseamos álo bidjat ođđaseamos dieđuid bajimussii siiddus vai dat leat álo oinnolažžan go studeanta boahtá siidui.

Ráhkadit sierra oahppanbálgá

  • Lea vejolaš ráhkadit sierra olles oahppanbálgá dihto gursii, omd Helsset studeanttaide dahje maid dakkár mii lea heivehuvvon dihto suopmanii. Mii ráhkadit dálá oahppanbálgá kopiija, maid oahpaheaddji sáhttá redigeret (sihkkut, rievdadit, lasihit), ja bálggis ihtá sierra nama vuolde olgešbeal ravddas, omd HU: ZSA121-122.
  • Eará čoavddus lea ráhkadit liigesiidduid, omd Unjárgga suopmana iešvuođaid birra. Siidduin sáhttet leat čilgehusat, teavsttat ja jietnafiillat. Daid sáhttá maid lasihit olgešbeal ravdii, omd Isak Saba nama vuollái.

oahpa.uit.no/univ_oahpa – OĐĐA ČUJUHUS:http://oahpa.no/davvi

Oahpa:Oahpaheddjiid sisaloggen

  • Gursaoahpaheaddjit sáhttet logget sisa Oahpai, ja guhtesge lea sierra geavahannamma ja beassansátni. Dis lea seamma geavahannamma go oahppanbálgáid sisaloggemis. Dáidá leat vuogas atnit seamma beassansáni maid.
  • Go leat loggen sisa de boađát siidui mas oainnát iežat gurssaid ja gurssa studeanttaid. Studeanttat leat listejuvvon badjálaga. Oahpaheaddji oaidná gallii leat loggen sisa Oahpai ja goas maŋemus leat loggen sisa.
  • Jus sii leat bargan hárjehusaid, de oainnát makkár hárjehusaid sii leat bargan ja sin bohtosiid čoahkkáigeasu. Heajumus bohtosat bohtet bajimussii. Mii rievdadeimmet oahpaheddjiid vuoigatvuođaid, nu ahte dis ii leat šat vejolašvuohta lasihit studeanttaid gurssaide.

Oahpa:Studeanttaid sisaloggen

  • Studeanttat loggejit sisa Oahpa-siiddus válljejuvvon buddestatnamain ja beassansániin. Sin berre ávžžuhit molsut beassansáni vuosttaš háve go loggejit sisa.
  • Studeanttat bohtet siidui mas čuožžu makkár gurssaid sii čuvvot. Gursanama vuolde lea liŋka gursasiidui site: s. Jus sii loggejit sisa Oahpai, de sii besset njuolga oahppanbálgái doppe.
  • Go studeanttat leat loggejuvvon sisa ja barget Oahpa-hárjehusaiguin, de sin bohtosat vurkejuvvojit. Dalle beassá oahpaheaddji oaidnit maid ja man ollu sii leat bargan. Jus sii eai logge sisa, de ii leat oahpaheaddjis vejolašvuohta čuovvut sin barggu iige ovdáneami.
  • Studeanttaide lea alcceseaset maid buorre go loggejit sisa, go sii besset maid oaidnit iežaset barggu ja bohtosiid. De sii ožžot obbalaš gova das makkár fáttáin sii birgejit bures, ja makkáriin sii rahčet.

Oahpa-prográmmaid bagadusat

Gávdnojit oahpaheaddji bagadusat prográmmaide, muhto bagadusat leat čállojuvvon boares Oahpa-prográmmaide. Dat mielddisbuktá ahte ođđa funkšuvnnat eai leat čilgejuvvon vuos. Mii álgit dál ođasmahttit bagadusaid.

Oasseváldiid evttohusat

  • Lasihit máŋggaidlogu hámiid sátnelisttuide
  • Lasihit liŋkasiiddu site: i vai studeanttat álkibut gávdnet buot veahkkeneavvuid
  • suomagiel Oahpas galggašedje leat liŋkkat sámegiel grammatihkkii, iige dáru grammatihkkii nugo dál
  • Lasihit geavahanbagadusa oahpaheddjiid siidui site: s, vai lea álki gávdnat.